Ich mot mich get bedinke
Um dis kier oet te blinke
Want elk joar
Zit ich verstopt achter ingele hoar
Of schient ut leech in mien gezicht
En veul ich mich verplicht
Um te goan verkasse
Mer ja op welk plaatsch zal ich passe
Altied han ik dikke pech
Geluk liekt neet vuur mich wech
Dan is mieng heukske neet te vinge
Motte ze mich mit ing paperclips verbinge
Boemel ich neave dee scheive tak
Nog ummer neet gemak
Ze wille nog altied geine echte
Dus mot ich ut beslechte
Ich wil auch ins vuuraan hange
Dat is ech mie verlange
Mer miene buurman is te breit
En dat deit hem gein leit
Al joare han ich ing blutsch
Daet nog effe aan ing mutsch
Alling dan mot ich mich strieje
Wilt men mich toch nog zieje
En oetdeuke is de riscant
Wead ut resultaat te genant
Ich bin noe eimoal u winneke antiek
En neet zo oetgesproake sjiek
Ich goan sollicitere vuur de hoegste baan
Doa kint duur van op aan
Dan moag ik mich de trapledder hoale
Um eindelijk in kier as piek te stroale
Dat liek mich prachtig
Ut oetzicht is machtig
En as ich dan um mich heen kiek
Dan veult dat toch zo riek
En dich moags effe rust pakke
Lekker onder oet zakke
Bin trots op dien eenvoud
Weit dat ik altied van dich houd
