Dit is ’n bekint verhoal en de kommende veer weake plaatsje ver idder weak ’n sjtukske oet dat verhoal. Neet ’t ganse verhoal, mèr kling losse sjtukskes.
Sjriefs doe d’r rest van ’t verhoal wieër?
Bie de “reactie” kinste sjrieve was doe dinks wie ’t wieër geat.
’t Leefste in ’t plat, lukt dat neet, dan in ’t hollansj en veer zette dat euver noa ’t plat.
Noa veer weake make ver d’r hoofdpersoon oet dit verhoal bekint. Es d’r dinkt te weate wie dea heesjt? Sjrief os dat noa
En hie kump dat sjtukske es deil 2:
’t Iersjte wat ’t hoert woar gans èènsjtummig: “Doa gèët d’r Wiel!” en toen alling noch de sjtum van d’r Knien – “vang ‘m op, doe doa bie de higk!” toen sjtilte en toen veul sjtumme durchèen – “Hèef zienge kop op – Sjnaps, joa – Loat ‘m neet drin sjtikke – Wat woar dat noe, ouwe jong? Wat is gebeurd? Vertil!”
Tensjlotte klonk ’n gans sjwaake, pieëpende sjtum (dat is d’r Wiel, dach ’t):
“Tja, ich wool dat ich ’t wos – ich hoof neet mieë, danke, ’t gèët alwir – mèr ich bin toch wal effe d’r kluts kwieët – waal wèet ich dat d’r get wie ’n duuvelke oet ing doeës koam en hop! Doa gong ich wie ‘ne vuurpiel de loch in!”
Succes!!
