Ut is zondigovend. Ich wach in dur auto op miene miensch dee in du frituur is. Ich kiek um mich heen en dan steit doa op ins inge miensch dee ich neet kin. Inge vreemdeling dee get vroage wilt.
Ich doan ut vinsterke ope. Of ich dur weag hie weit? Dur miensch is dur weag kwiet, dur weag noa heem. Ich geaf aan in welke richting dur miensch mot lope.
Intusche kunt dur geur van du friete noa binne. Mer mien gedachte zunt nog boete. Dur blik in zien auge loate mich neet los.
Dizze miensch kin vuur neet alling loate, ut is al duuster en koud.
Ich kiek miene miensch aan. Ozze onbekende miensch zit al snel vuur in dur auto, ich kroep achterin. Vanoet vertrouwe gunt vur op waeg. Durg vroage te stelle, hubbe vuur inge naam en weite vuur dat dizze miensch op bezeuk woar bie zien vrouw in ut verzorgingshoes. Alling op weag noa heim.
Op ins is dur herkenning. Dur miensch wilt oetstappe. Ich bin nog neet gerust, mer vuur vertrouwe op ziene wil. Ich krieg ing hand en dank je wel.
Gelukkig weite vuur contact te kriege mit ut personeel van zien vrouw. Zu gunt du kinger belle um te vroage of dur pap veilig is heem komme. Ing ganse geruststelling.
Intusche zunt vuur mit de lauw friete, bie ozze nonk aangekomme. Auch inge miensch alling, al u paar joar geleije afscheid motte nummer van zien vrouw.
Twei mansluj op inge ovend, alling in ut same zieje.
