Kerstgedachte
Noa inge lange daag van heem oet wirke, tied um u rundje te loupe.
Myra woont nog neet zo lang in gen durp en kint zo de buurt liere kinne.
En wat is sjunner om in dizze tied boete te zieje.
De stroate zunt al verseerd durg de veule lempkes
Dat veult vuur Myra as ing werm deake, die dur frische wind tegehilt
Biezonger um zo dizzy drukke daag af te schleate
Op ut gemak trampele en effe stil stoan um durg du vinstere te kieke
Neet opvallend, wael lang genog om ut geveul van binne, auch boete te veule
Kling geluk um van te geneete
En dan bliet Myra op ins get langer wachte
Bie dat eine hoes, want doa is nog alles duuster
Dur wind verstuurt de stilte die ontsteit
Alsof die stilte get vertille wilt
Zow ich effe aanbelle?
Mer wat dinke ze dan wael neet
Ing vreem vrouw, zo laat aan gen deur
Dur volgende ovend, geet Myra wer trampele
En op nuuj du route langs ut hoes van gister
En kiek doa
U kling lempke is aan
Toch effe noa binne kieke
Op toafel inge leage telder
Dur Televisie steit oet
Du sloeber stunt onger dur stoal
En doa schrikt Myra toch
Op ins gunt de gordiene toe
Ut hart sleit in heur keal
En noe
Mit knikkende knieën op heem aan
Die nach neet veul geschloape
Nog ummer steit Myra vuur die vinster
U geveul van teleurstelling bliet
Dur volgende murge, truuk noa dat hoes
Dat heur neet schloape leet
De gordiene zunt nog toe
De krant stekt in du breevebus
Mit u kloppend hart belt Myra aan
En nog ins en nog ins
Zo gehoopt op contact
Op inge blik
Nog ing kier umdriene
De krant is neet mie te zieje
En zo geit Myra dee avond wer op weag
Dis kier neet alling
In gezelschap van u windlicht
Zonger aan te belle
Maekt zie contact
Bringt zie wermte
Ut windlicht stroalt
En zo ontsteit dankbaarheid
Zonger get truuk te vroage
Krisovend, ut windlicht is nog ummer aan
De gordiene u winneke ope
De sloebe a gen veut
Dur telder is gevuld
En auch binne brandt u keatske
Myra is tevreije
Zo biste op afstand toch same
Zo kinste deile in leefde
Zo veult stilte als riekdom
Krisgroet Miriam
