Ut veult frisch en nat
mer ich bin neet zat
Ich wach op wat kunt
en mich is gegunt
Zal ich in dur schmaak valle
of gunt ze slech kalle
te winnig peper en zout
of de saus veul te koud
Neet lang genog in ut zoer
ginge how bezwoer
toen ze mich woale bakke
en zich u neutje ginge pakke
Ondertusche gaar geleage
kin doa mer ins teage
mer as ich uch zeen smikkele
num ut gerust mer bikkele
Dan woar dat ut wachte wead
en as dur mer neet vergeat
dat knaege is toegestange
ich kom tegemoet in dat verlange
Ich zeen dat auch as compliment
u geveul dat schnel went
mit dees daag vol vertrouwe
An same zieje blieve bouwe
Dat wunsch ich os allemoal
aan ut eind van dit verhoal
